Ný innskráningarleið fyrir launagreiðendavef var tekin í gildi í byrjun september. Launagreiðendur geta nú skráð sig inn annars vegar á eigin kennitölu og hins vegar með innskráningu sem prókúruhafi eða umboðsaðili fyrirtækis/stofnunar. Ef svo er þarf að skrá umboð með því að fylgja eftirfarandi leiðbeiningum.
Hér má sjá leiðbeiningar fyrir að gefa umboð inn á launagreiðendavefinn.
Þessi síða er fyrst og fremst ætluð launagreiðendum til aðstoðar og útskýringa. Pósthólf iðgjaldadeildar er: skilagreinar@lifbru.is
Rafrænar skilagreinar
-
Leið 1: Rafræn samskipti beint úr launakerfi.
Nánast öll launakerfi bjóða upp á þann möguleika að senda rafrænar skilagreinar beint í gegnum launakerfið. Með þessu móti sparast tími og fyllsta öryggis er gætt. Þjónustuaðilar launakerfa geta veitt upplýsingar um það hvað kerfin bjóða upp á. Ef skilagreinum er skilað beint í gegnum launakerfi þarf að fylgja leiðbeiningum á: http://www.skilagrein.is/ - Leið 2: Skrá lesin út úr launakerfi og send í gegnum launagreiðendavef.
Skilagrein er lesin sem textaskrá út úr launakerfi. Hún er svo send til sjóðsins í gegnum launagreiðendavef. Þetta er örugg leið en launagreiðendavefurinn er með sama öryggi og netbankar. - Leið 3: Skilagrein send með "https" samskiptum.
Ef launakerfi launagreiðanda býður ekki upp á þá möguleika sem lýst er í leið 1 og leið 2 er hægt að skrá upplýsingar um launþega og iðgjöld á launagreiðendavefnum og senda skilagreinina þannig inn með öruggum "https" samskiptum. Fyrir launagreiðendur með færri á launaskrá er einnig mögulegt að skila inn í gegnum Launagreiðendavef.
PDF / Leiðbeiningar fyrir launagreiðendavef er að finna hér
Ef launagreiðendur vilja veita öðrum einstaklingum umboð til að hafa umsjón með málefnum inni á launagreiðendavef þarf að skrá það sérstaklega. Sjá leiðbeiningar fyrir að gefa umboð.
PDF / Leiðbeiningar fyrir að gefa umboð fyrir launagreiðendavef
Upplýsingar í skilagreinum
Áður en skilagrein er send til Brúar lífeyrissjóðs er nauðsynlegt að kynna sér í hvaða deild skal greiða og hvaða upplýsingar þurfa að koma fram. A deild er eingöngu fyrir launagreiðendur sem eru sveitarfélög, stofnanir og fyrirtæki sveitarfélaga. B deild er réttindasöfn sjö lokaðra lífeyrissjóða. V deild er opin öllum.
A deild Brúar lífeyrissjóðs
A deild er eingöngu fyrir launagreiðendur sem eru sveitafélög, stofnanir, fyrirtæki og samlög sveitafélaga. Eftirfarandi upplýsingar þurfa að koma fram:
- Upplýsingar um launagreiðanda
- Iðgjaldatímabil
- Nafn, kennitala og iðgjald sjóðfélaga
- Framlag launagreiðanda og heildargreiðsla
- Lífeyrissjóðsnúmer A deildar er L680 (eða 1680)
- Lífeyrissjóðsnúmer endurhæfingarsjóðs A deildar er R680
V deild Brúar lífeyrissjóðs (opin öllum)
V deild er opin fyrir alla. Eftirfarandi upplýsingar þurfa að koma fram:
- Nafn og kennitala launagreiðanda
- Nafn og kennitala sjóðfélaga
- Iðgjaldatímabil
- Iðgjöld til sjóðsins:
- Framlag sjóðfélaga er 4%
- Framlag laungagreiðanda er 11,5%
- Framlag í endurhæfingarsjóð er 0,1%
- Lífeyrissjóðsnúmer V deildar er L683 (eða 1683)
- Lífeyrissjóðsnúmer endurhæfingarsjóðs V deildar er R683 (eða 3683)
B deild Brúar lífeyrissjóðs
B deild er réttindasöfn lokaðra lífeyrissjóða sem sameinuðust í eina deild árin 2013, 2017 og 2018. Lífeyrissjóðunum var lokað fyrir nýjum sjóðsfélögum þann 1. júlí 1998 í samræmi við lög nr. 129 frá 1997.
Iðgjöld skulu lögð inn á reikning:
A- og V-deild:
Bankareikningur nr. 0338-26-1121
Kt. 491098-2529